Go and Proclaim Ministries South Africa
Home | About us | All Events | Prayer Initiatives | Community Work | Giving | Sitemap | Sitemap: Afrikaans | Contact us

Sendingwerk in die Kalahari


Waar is die regte Kalahari vra ek jou?
Nee dit is nie daardie aanlyn winkel waar jy boeke en ander goed wat jy nie nodig het kan bestel nie. In die regte Kalahari voel jy die sand onder jou voete, die son op jou vel en die wind deur jou hare. In die regte Kalahari hoor jy die voëls in die bome en sien jy hoe die Here met sy verfkwas deur die sonsondergang vee. Dit kan jy nie aanlyn bestel nie. Niemand kon dit nog ooit in 'n boks kry nie, want sien, jy kan nie! Jy moet soontoe gaan om dit te beleef. En dan is daar die mense wat gevorm is in die stof en die sand en die hitte van daardie stuk genadelose aarde. Hulle het deursettingsvermoë in hulle pype en gasvryheid in hulle are.

Die Tswanas het die Kalahari sy naam gegee. Die beteken “groot dors” en Kgalagadi wat "plek sonder water beteken". Want sien hulle was heeltemal reg. Daar is nie eintlik water nie, dalk in die somer as die wolke hulle reen bring. Maar dan kruip die water in elk geval in die sand in. Dit gaan lê nerens en wag dat mens of dier dit kom drink nie. Dis weg, dis die groot dors as jy nie 'n skepding gehad toe die reen gekom het nie. Of tensy jy slim genoeg is om die water diep uit die pens onder die kalahari se sand te kon uitkry nie. Dan het jy die groot dors! Dit is hoekom die slim mense sê die Kalahari is 'n woestyn, of 'n halwe van 'n woestyn. Want sien, sê hulle daar is wel plante en diere maar daar is nie water nie. Die mens moet maar sy water saam met hom dra as hy daar kom.

As die Here jou soontoe stuur om daar te gaan woeker dan bere jy elke dag 'n Psalm in jou reissak en jy lees hom elke dag tot jy hom uit jou kop uit opsê. Want slaan gaan jy jou oë opslaan todat hulle bo oor die volgende rant kan kyk. En wonder gaan jy wonder vanwaar jou hulp elke dag gaan opdaag. Hierdie bladsy word gewy aan enkele diensknegte van die Here wat elk aand die stof van hulle skoene afvee en vir more 'n skoon stel klere moet uitsit want vandag s'n is deurtrek van die sweet. Lees hieronder verder.

Ou Nuus vanuit New-Xanagas - Botswana

Gawi en Dina bly op New-Xanagas in Botswana. Gawi se "e" het iewers verlore geraak. Maar in die kalahari maak dit nie saak nie. Daar is ook 'n Xanagas, maar dit is nie waar Gawi en Dina bly nie. Hulle bly op New-Xanagas. As jy die Trans-Kalahari teerpad Namibië toe vat en teen die weste wind inry voor jy by die groot hek kom, dan kry jy hulle op regterkant, en so bietjie van hulle op linkerkant.

Gawi het 'n "glory-lorry" met meer as 'n miljoen Kalahari kilometers op die klok. Gehad tot nou die dag toe bou hulle hom oor, vir die volgende miljoen. Want sien, dis 'n Kalahari Toyota. Gawi is lief vir die Boesmans. Hy wys hulle hoe om die kronkelpaaie in die lewe weer reguit te maak in die Here se aangesig. Al vir meer as twintig jaar trap hy elke dag deur die stof 'n paaidjie na hulle toe uit. Hier is so bietjie nuus oor wat Gawi hulle doen. Jy kan meer nuus by hom self kry. Maar hoekom gaan kuier jy nie self vir hulle nie, en ontmoet hom, en die nederigste nasie wat die Here gemaak het. Dis 'n lang pad, maar dis 'n teerpad. Jy kan daar kom met kan of twee water en brandstof in jou kattebak. Sy kontak besonderhede is hieronder. En die nommers werk nogal.
Die ou kalahari-Toyota (links)      Die nuwe Kalahari-Toyota (regs)


Nuwe Nuus van Gawi se Blog af:
From: (TwoBob) Catherine Dixhao Khoxo <ckhoxo@icloud.com>
Date: 03 October 2019 11:43:03 AM GMT+02:00
To: "You"
Subject: Bere outreach
"Greetings to you from this side.we are still surviving and doing well.it only me who is still struggling with my eye.i am always in pain and has lost my left eye sight. I am  on treatment but i feel with your prayers God will heal me and restore my sight.
Oster is back from the outreach .He says it was most difficult outreach he went on.The people were resistant.They showed the Jesus film and had a Sunday service with the few that turned up.All in all he says the community.really needs more visits and prayers to turn their faces to the lord.Samuel is doing well at the university we need to back him up with prayers not to lose his grip to the Lord since he is now meeting different people who may lead him astray. We are also praying for the smooth running of our general elections.my eldest son is one of the standing candidates for the ruling party.we are also praying for him to retain the post to help develop the community in New Xanagas .
God has opened the eyes of children and the coming to church bit by bit  and we trust him for more of them. We are always praying for you too. Keep on praying for us too. Have a blessed day .
Love from Oster and family."
Sent from my iPhone

Hier kry jy vir Gawi (Sy blog is op datum)
Gawi sel: + 267 713 698 57 of + 267 736 967 37 of sms 0721 580 587
Dina sel: Dina + 267 736 803 51
E-pos: xanagas@gmail.com
Gawi se blog: http://www.xanagasbotswana.blogspot.com